Երբ ներարկում են կնճիռների դեմ. 1in.am

Դիմախաղային կնճիռների դեմ ներարկումից հետո բոտոքսn անցնում է գլխուղեղ և, նույնիսկ, ողնուղեղ: Այսպիսի սենսացիոն եզրակացություն է արվել վերջերս կատարված հետազոտության արդյունքում, որը հրապարակվել է Neuroscience ամսագրում:

Օրգանիզմ ներմուծվելու պահին բոտուլինի տոքսինի ուսումնասիրության արդյունքում պարզվել է, որ բոտոքսը նյարդերով հասնում է կենտրոնական նյարդային համակարգ:

Չնայած այս բացահայտմանը՝ այլ գիտնականներ նշում են, որ նյարդային համակարգում բոտուլինի տոքսինի առկայության հետ կապված ռիսկերը կախված են նյութի չափաքանակից, ինչն էլ, ի վերջո, կարող է, իսկապես, հասնել գլխուղեղ:

«Բոտոքսն անվտանգ բուժում է, որն օգտագործվում է ավելի քան 20 տարի, և ոչ մի կողմնակի ազդեցություն չունի՝ բացի տեղային կաթվածից, և հաճախ դեղն օգտագործվում է մկանային հիպերակտիվության բուժման համար»,- հոդվածը մեկնաբանում է պրոֆեսոր Ֆրեդերիկ Մենյեն:

Հայտնի է, որ բոտուլինի տոքսինի ներարկումներն իրականում դեմքի մկանների կաթված են առաջացնում: Այդ կաթվածը բավական չափավոր է, և հենց դա է նպաստում կնճիռների նվազմանը, հարթմանը:

Հարցեր, պատասխաններ, մեկնաբանություններ